Lady M 推出新蛋糕，同4款新菜式，賣相100分啊，真係令人睇見都想食，要同埋閨密去食餐好架啦！
今次Lady M喺銅鑼灣旗艦店推出新菜式同埋新蛋糕，必試嘅有香港首次推出嘅椰子千層蛋糕，佢好似Lady M signature嘅千層班戟蛋糕咁，不少於20層嘅透薄千層班戟同椰子
忌廉層層相間，再加入埋好清新嘅椰子味，頂層撒上脆薄的香烤甜椰子片，真係食多幾件都得啊！
椰子千層蛋糕 (每件 $75)
椰子千層蛋糕將於 4 月 16 日起於各精品蛋糕店供應件裝。
牛油果炒蛋漢堡 ($108) ，呢個好吸引，你睇下佢個厚厚嘅炒蛋！以鬆軟牛油軟包夾着新鮮牛油果、嫩滑炒蛋、自家製的焦糖洋蔥同辣味蛋黃醬，口感豐富。
蘆筍卡邦尼意粉 ($108)，同閨密一齊share就岩岩好。蘆筍以巧手削成薄片，絲滑嘅忌廉汁拌入松露油，隔住個mon都聞到香味！
藜麥脆餅伴炸流心蛋 ($108) 將藜麥製成香脆滋味，伴以炒野菌及炸流心蛋，蛋汁加埋藜麥一齊食，口感好豐富！
以上三道新菜式同時於散點餐牌及午市套餐供應。
季節限定新菜式「意大利青瓜千層麵卷」($138)，嫩滑嘅千層麵捲着意大利青瓜及半溶的芝士，伴以番茄醬，香郁又清新。
網絡資訊圖片
